Tung roh lăm pôu pêi cheăng a kong têa Kŏng hoa Cuba, pôa Vương Đình Huệ tiô tối hdrối kô ai ƀai xông tơpui a Kuô̆k hô̆i kong têa Cuba tro a hâi lơ 19/4, hâi ƀlêi trâng Girón (19/4/1961 – 19/4/2023) ƀă xuân cho hâi Kuô̆k hô̆i Cuba hneăng má X kô tơkŭm po hneăng hôp apoăng klêi kơ’nâi roh tâ phĭu rah xo Kăn xiâm pơkuâ a hâi lơ 26/3 pơla kố nah. Kố cho môi ‘’tơdroăng ki ƀlêi trâng’’ ƀă ‘’cho phá tơ-ê’’ xua tơdroăng kố bu chiâng ai xua mê cho tơrŭm Cuba – Việt Nam ƀă xua tơrŭm cheăng ‘’ki phá tơ-ê’’ pơla péa tơnêi têa.

Tiô tối hdrối tung roh lăm pôu pêi cheăng Cuba, khu râ kăn pơkuâ Kuô̆k hô̆i péa tơnêi têa kô kĭ môi tuăn ‘na mơjiâng troăng tơrŭm cheăng pơla péa  Kuô̆k hô̆i vâ thăm tối ăm dêi pó túa ki rơkê tơtro pêi cheăng xuân môi tiah tŏng kum dêi pó a mâu hneăng hôp tơpui tơno Kuô̆k hô̆i kơpong ƀă lâp plâi tơnêi; tơrŭm thăm séa ngăn mâu tơdroăng môi tuăn pơla péa pâ, ing mê djâ tơrŭm cheăng pơla Việt Nam ƀă Cuba rế hía rế păng ‘nâng ƀă châ tơƀrê.