Mâu tơmeăm ki tê, ki rôe ing kong têa ê ki hên cho reăng, plâi nong, plâi mit, plâi rơga, pía kái. Tung hâi ki mê, hiăng ai 110 troăng rơxế chơ reăng plâi nếo klêi krí châ pro hlá mơ-éa tê tơkâ luâ tíu tơkăng kong Tân Thanh. A tíu tê mơdró tơkăng kong lâp plâi tơnêi Hữu Nghị, riân troh apoăng peăng kơxê hâi lơ 14/2 hiăng ai lối 30 toăng rơxế tê mâu plâi ăm kong têa ê, (ki hên cho plâi sầu riêng, plâi mit, plâi rơgá) ƀă 6 toăng rơxế ing kong têa ê vâ mot tê tơmeăm a tơnêi têa pin.

Sap hâi lơ 18/2, tâi tâng mâu tíu tê mơdró tơkăng kong tung kong pơlê Lạng Sơn kô hiăng chiâng prôk môi tiah hmâ chơ tơmeăm. Mâu tơmeăm tơ’lêi châ rĕng tơkâ luâ tíu tê mơdró kăng kong dêi kong pơlê Lạng Sơn sap mâu hâu klêi Têt Lo hơnăm nếo châ tơngah cho mâu tơdroăng ki hlo tơƀrê hôm ăm ‘na pêi cheăng tê mơdró a tíu tơkăng kong dêi kong pơlê tung la ngiâ.