A Tơring Ia H’Drai, kong pơlê Kon Tum, Kăn hnê ngăn Đảng Tíu xiâm Đoân Droh rơtăm Kŏng san Hồ Chí Minh hiăng ăm túa pêi cheăng kâ kơnâ 2 rơtal liăn kum liăn vâ mâu đoân viên, droh rơtăm kong pơlê mơnhông cheăng kâ; hbru ăm 20 hnoăng liăn, rêm hnoăng liăn kơnâ 2 rơtuh liăn ăm mâu vâi o hok tro kơtiê hriâm rơkê; diâp 20 hnoăng tơmeăm ăm Kŏng nhân Kŏng ti pêi cheăng tiô rơnó Môi tung khu Kơxu Chư Mô Rai ƀă Kŏng ti veăng tơlo liăn Kơxu Sa Thầy.

A  Tơdroăng pêi pro “Rơnó Hơngui tíu tơkăng kong - Têt chuăn rơlố têa kơxĭ” rơtế ƀă tơmâng kum tơmeăm Têt ăm mâu droh rơtăm kŏng nhân, mơngế pêi cheăng châ tơkŭm po a cheăm Mô Rai, tơring Sa Thầy, Khu Kăn Đảng xiâm Đoân Droh rơtăm Kŏng san Hồ Chí Minh diâp ăm 20 kơxu tơmeăm ăm mâu ngế kuăn pơlê pâ nhoăm tung hdroâng kuăn ngo; hbru 2 toăng kơmăi vi tĭnh, loa ki lăm mơ’no ukố umê ăm Đoân Droh rơtăm cheăm Mô Rai.

Drêng troh Têt tiô khôi hmâ hdroâng mơngế, Khu kăn xiâm Đoân Droh rơtăm Kŏng san Hồ Chí Minh rơtế ƀă Khu pơkuâ ngăn Đoân Droh rơtăm Kon Tum lăm pôu, rơkâu Têt mơhnhôk hơ’lê, hbru tơmeăm ki ai pơxúa ăm kăn ƀô̆, mâu lêng kŏng an cheăm Ia Dom ƀă đông tơkăng kong Ia Dom, tơring Ia H’Drai.