Pôa Trương Hải Long pơkâ thế pôa Lý Minh Thái rĕng pêi cheăng tro hnoăng cheăng pơcháu ki nếo, cho xiâm ki djâ tơrŭm môi tuăn, pêi tro mâu tơdroăng cheăng rak ngăn pơkuâ, pơtối hnê ngăn mâu kăn ƀô̆ ngăn pơkeăng; mơ-eăm pê klêi tơdroăng cheăng ki hiăng pơcháu, mơdêk pêi cheăng tơƀrê tung rak ngăn khăm pơlât kuăn pơlê tung kong pơlê.

Klêi mê, mơhnhôk tơƀrê tơdroăng cheăng ăm rế rơkê ƀă mâu ngế ngăn pơkeăng; mơdêk rơkê tung pơkuâ hnê djâ, rak ngăn, hnê mơhno mâu tíu pêi cheăng pêi tro tơdroăng cheăng rơkê tung pơkuâ rak ngăn liăn khế veăng ‘no hnoăng tăng tơ'mot kơxô̆ liăn ƀă mơnhông rêh ối ăm mâu kăn ƀô̆, mâu ngế ngăn pơkeăng, ƀok thái pơkeăng, mơngế cheăng ‘na khăm pơlât; hnê pêi tơƀrê tơdroăng Tơkêa bro mơnhông ‘na pơkeăng khăm pơlât kong pơlê Gia Lai troh hơnăm 2030.