5 tíu ôm hyô kố tơkŭm tung tơdroăng ki tí tăng mâu tíu ki lăm hyô ngăn ối tung kong viên tơnêi tơníu lâp plâi tơnêi UNESCO Dak Nông ƀă Long Tà Đùng. Tơmối hâk vâ mâu tơnêi tơníu ta tá krip tơdrŏm rơ-iêo, chiâng vâ rah xo hyô ngăn mâu kiêp hmốu ngo on ki xŏn má môi Đông Nam Á a tơring Krông Nô lơ mâu xí têa ki krip tơdrŏm a kroăng Sêrêpôk.

Tâi tâng ai 44 tíu ôm hyô ối tung Kong viên tơnêi tơníu lâp plâi tơnêi UNESCO Dak Nông kô châ tơbleăng tung mâu trang măng pơlê pơla vâ mơđah tơbleăng troh hên hĭn tơmối. Tơmối hâk vâ tơdroăng ki lĕm tơniăn vâ rah xo tíu ki hyô ngăn kơpong ôm hyô Long Tà Đùng ƀă long têa hnăng lĕm, hyôh kong prâi rơngiâp lĕm. A mâu tíu ôm hyô kố, tơmối xuân tơ’lêi vâ tí tăng ‘nâi mâu túa lĕm tro ki lĕm tơviah dêi mâu hdroâng kuăn ngo M’Nông, Rơđế, Mạ ƀă hên ki ê.