Tơbleăng hơ’lêh, pôk kăn ƀô̆ Rơ’jíu Việt Nam Kơ koan teăng mâ kơpong Tây Nguyên
Thứ ba, 13:50, 20/02/2024
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV4.Xơ Đăng - Kơxê lơ 19/2, a pơlê kong kơdrâm Ƀuôn Ma Thuột, Dak Lak, teăng mâ kăn pơkuâ Rơ’jíu xiâm Việt Nam tơkŭm diâp hnoăng pơkuâ cheăng dêi kăn xiâm pơkuâ Rơ’jíu Việt Nam Đỗ Tiến Sỹ ‘na tơdroăng ki hơ’lêh, pôk kăn ƀô̆ Kơ koan cheăng a kơpong Tây Nguyên.
Tiô mâu pơkâ châ kăn xiâm pơkuâ Rơ’jíu Việt Nam kĭ pơkâ, pơtroh, pôk pôa Lê Hải Sơn – Kăn phŏ pơkuâ Kơ koan teăng mâ Rơ’jíu Việt Nam kơpong Miền Trung chiâng pro kăn pơkuâ Kơ koan teăng mâ Rơ’jíu Việt Nam kơpong Tây Nguyên; Pôk pôa Hà Mạnh Thắng, Chuyên viên chính Khu Tơrŭm cheăng Tơnêi têa pro kăn phŏ pơkuâ Rơ’jíu Việt Nam kơpong Tây Nguyên.
Klêi diâp pơkâ, kăn xiâm phŏ pơkuâ Rơ’jíu Việt Nam Trần Minh Hùng pơkâ thế prế pôa Lê Hải Sơn ƀă pôa Hà Mạnh Thắng pơtối mơ-eăm tung hnoăng cheăng ki nếo, mơdêk mâu tơdroăng ki rơkê hiăng pơkuâ vâ pêi klêi rơkê má môi hnoăng cheăng châ kăn pơkuâ Rơ’jíu pơcháu; Mơjiâng Kơ koan teăng mâ Rơ’jíu Việt Nam kơpong Tây Nguyên tơrŭm, rơdêi tung tâi tâng kơvâ cheăng.
Viết bình luận