Tung pơla kố nah, châ tŏng kum dêi Khu lâp kong têa ƀă mâu kong têa khu tơrŭm ‘na rak hơniâp lĕm, Khu xiâm pơkuâ Kŏng an Việt Nam hiăng tơkŭm po mâu hneăng hnê mơjiâng tuăn ngôa rơkê, pơtâp tung tơnêi têa ƀă kong têa ê ăm lối 70 roh kăn lêng vâ hbrâ veăng tơdroăng rak hơniâp lĕm Khu lâp kong têa.

Nôkố, Khu xiâm pơkuâ Kŏng an Việt Nam hiăng ai 15 ngế kăn lêng tơxâng châ mâu pơkâ dêi Khu lâp kong têa vâ veăng khu rak hơniâp lĕm tiô troăng môi ngế krê. Khu xiâm pơkuâ Kŏng an hiăng pơkâ mơjiâng tíu pêi cheăng Kan sát rak hơniâp lĕm kơxô̆ 1 tung tơdroăng pơkuâ ivá hbrâ pêi pro hnoăng cheăng dêi Khu rah chêh tôm xo rơkong Khu lâp kong têa.

Pơkâ kố mơhno ó rơdêi, inhên tơkêa dêi Đảng, Tơnêi têa, Khu xiâm pơkuâ Kŏng an Việt Nam veăng hên, pôu râng hnoăng cheăng rak hơniâp lĕm, tơniăn, mơnhông a kơpong ƀă lâp plâi tơnêi.