A hneăng hôp, mâu ki tơpui mơhno, mâu ki hnê tối rơkê má môi tung kơvâ tê mơdró hngêi trăng, tơnêi tíu hiăng tối mâu tơdroăng ki kal ăm mâu khu ‘no liăn pêi cheăng ƀă kuăn pơlê hlê ‘na troăng ki mơhnhôk mơnhông tơƀrê nếo, ‘nâi ki lâi kal ‘na mâu rôh tơ’lêi hlâu tung kơvâ tê mơdró hngêi trăng tơnêi tíu xuân môi tiah pơ’lêh kơxô̆ tung tơdroăng tê hngêi trăng tơnêi tíu.
Pôa Nguyẽn Văn Kế, Kăn hnê ngăn Khu ngăn ‘na hngêi trăng tơnêi tíu kong pơlê Dak Lak tối, sap apoăng hơnăm troh nôkố, tơdroăng tê mơdró tơnêi tíu, hngêi trăng a Dak Lak hiăng luâ “ki pá”. Mơni mơ’nui hơnăm kố kô pơtối xông nếo, la kal ai hâi khế vâ hlê hdrối vâ mơdêk nếo. Kô xuân cho rôh ki tơtro vâ vâ khu ‘no liăn mơjiâng tơmeăm khoăng thế hbrâ rơnáu vêh ngăn nếo tơdroăng tê mơdró.
Viết bình luận