Kơmăng hâi lơ 21/8, a Plông kân Ba Đình ( Hà Nôị), Tiêuh ƀan ngăn lêng hriâm prôk pơtăng, mơngế prôk pơtăng tơkŭm ƀă hriâm ƀă mâu lêng ki veăng leh tơbâ 80 hơnăm Kăch măng Khế Tơheăm ƀă hâi mơjiâng tơnêi têa lơ 2.9. Lối 16.300 ngế lêng, kŏng an ƀă ai 43 khu xông tâng, 18 khu prôk, 6 khu rơxế chơ kơnŏng lêng ƀă 8 rơxế đặc chủng veăng hriâm.

Malối, veăng ai mâu lêng Rusi, Lếo ƀă Kul, mơhno ki lĕm krip  tiô troăng hơlâ tơpui kâ ‘na lêng dêi Việt Nam. Klêi pái chôu tơkŭm pơtâp, Đăi tươ̆ng Phan Văn Giang, Ngế xiâm pơkuâ ngăn lêng, khĕn kơdeăn ki pro rak luât ƀă tuăn mơ-eăm dêi mâu lêng, malối mâu khu ki tâng hmếo pơtâng ti mê, ngăn rơnuâ ếo châ pro tâng krip tro luât. Ngế xiâm pơkuâ ngăn lêng tối loi khât, tung hâi leh kân krip, tâi tâng mâu lêng kô pêi pro klêi hnoăng cheăng ki châ pơcháu.