A rôh pêi cheăng, teăng mâ mâu kơ koan hiăng tơpui nhên ‘na tơdroăng tơkŭm po mâu tơdroăng mơhno túa lĕm tro, ngê̆ thuât tơbâ 80 hơnăm Hâi Pôk kăn xiâm Kuô̆k hô̆i Việt Nam ki apoăng ƀă mâu tơdroăng ki kal, môi tiah: tơdroăng tơkŭm po rôh tơ’noăng cheh bro lơ mơhnhôk chêh bro mâu ƀai hơdruê ‘na Kuô̆k hô̆i Việt Nam ƀă Hô̆i đong hnê ngăn Kuăn pơlê; Tơdroăng ngê̆ thuât Ô eăng Kuô̆k hô̆i Việt Nam; tơdroăng tơkŭm po Idrâp hơdruê Kuô̆k hô̆i Việt Nam.

Mơgêi rôh pêi cheăng, Kăn xiâm hnê ngăn Kuô̆k hô̆i Vương Đình Huệ pơkâ thế Khu hnê mơhno, Khu tơkŭm po tơbleăng tơdroăng pơkâ tơkŭm po Tơbâ 80 hơnăm Hâi pôk kăn xiâm Kuô̆k hô̆i Việt Nam ki apoăng tro tiô tơdroăng hnê mơhno dêi Khu pơkuâ ngăn Đảng; rĕng mơjiâng mâu khu kơvâ cheăng tơbleăng pêi pro mâu hnoăng cheăng, tung mê ai Khu ngăn ‘na Mơhno túa lĕm tro, ngê̆ thuât xua Kăn xiâm phŏ hnê ngăn Kuô̆k hô̆i Trần Quang Phương pro ngế xiâm pơkuâ Khu vâ hnê mơhno tơbleăng mâu tơdroăng cheăng pêi ki kal.