Kơxo lơ 5/1, Khu tơrŭm nhŏng o ƀă Khu tơrŭm nhŏng o Việt Nam – Kul pơlê kong kân Đà Nẵng tơrŭm tơkŭm po roh trâm mâ, tơpui tơno ‘’leh tơbâ 56 hơnăm Hâi mơjiâng tơrŭm tơpui kâ Việt Nam – Kul’’. Hâi lơ 24/6/1967, tơnêi Việt Nam Yân chưh Kŏng hoa (nôkố cho Kŏng hoa xah hô̆i chuh ngiah Việt Nam) ƀă kong têa Kul hiăng mơjiâng tơrŭm cheăng tơpui kâ, po môi tơdroăng nếo tung mơnhông mơdêk péa tơnêi têa.

Lối 50 hơnăm hiăng hluâ, Kuăn pơlê Việt Nam ƀă kuăn pơlê kong têa Kul rơtế, tŏng kum dêi pó tung tơdroăng tơplâ tơleăng lĕm hdroâng mơngế, gâk kring Tơnêi têa xuân môi tiah tung tơdroăng mơjiâng ƀă mơnhông tơnêi têa. Rơtế ƀă mơnhên troăng prôk ‘’mơngế achê lĕm, tơrŭm nhŏng o tiô khôi vâi krâ nah, tơrŭm cheăng tŭm túa, krá tơniăn ton xŏn’’, tơrŭm cheăng Việt Nam – Kul hiăng đi đo châ thăm pro tơniăn ƀă mơnhông mơdêk tung rêm kơvâ cheăng, djâ pơxúa ăm kuăn pơlê péa tơnêi têa, veăng kum tung mơjiâng hơniâp lĕm, rak tơniăn, tơrŭm cheăng a kơpong ƀă tung lâp plâi tơnêi.