Tơbleăng ăm Pơtáu ‘na tâi tâng Văn Miếu - Quốc Tử Giám, pôa Lương Cường, Kăn xiâm hnê ngăn tơnêi têa ăm ‘nâi kố cho tơdroăng dêi Pơlê kong xiâm Hà Nội rơpâu hơnăm pleăng hnoăng cheăng túa lĕm tro, cho hngêi trung đăi hok ki apoăng dêi Việt Nam, tíu ki ai 82 kơtâ um meăm Tiê̆n sih châ UNESCO mơnhên cho Tơmeăm lâp plâi tơnêi.

Rơtế ôu chế, Kăn xiâm hnê ngăn tơnêi têa tối phiu ro hlo tung pơla hdrối nah tơrŭm cheăng pơla péa tơnêi têa pơtối mơnhông tơniăn; tơdroăng loi, tơrŭm pơla kăn pơkuâ ƀă kuăn pơlê péa tơnêi têa rế hía rế châ ‘mâi mơnhông ƀă thăm mơdêk. Kăn xiâm hnê ngăn tơnêi têa loi, tung hnoăng cheăng ki kân dêi tơná, Pơtáu kô pơtối tơbêng ăm tơrŭm cheăng tơniăn lĕm mê, hlối tơmâng ngăn môi tuăn tơdroăng hnê tối, hnê hriâm trâu rơdâ ăm rêm ngế kuăn pơlê, malối cho mâu rơxông ối nếo hlê plĕng trâu ‘na tơrŭm, hlâ rêh ăm dêi rơpó pơla péa tơnêi, péa hdroâng mơngế ƀă pơtối mơdêk tơrŭm cheăng Việt Nam – Kul.