Việt Nam hiăng tơkâ luâ vâ chê 35 hơnăm hbrâ mơdât HIV/AIDS ƀă châ hên tơdroăng ki tơƀrê, cho tơnêi têa ki ối a hdrối Châu Á - Thái Bình Dương ‘na mâu kơxô̆ ngế châ pơlât pơkeăng PrEP, gum mơdât châ 97% ngế xúa ví tơdroăng ki tâ tú HIV. Vâ pêi pro châ tơdroăng ôh tá ai xếo pơreăng AIDS a hơnăm 2030, pôa Lê Thành Long, Ngế pro xiâm phŏ hnê ngăn tơnêi têa pơkâ thế mâu khu xiâm, kơvâ cheăng ki ai tơdjâk troh séa ngăn, ‘mot tơ’nôm, pêi pro klêi luât ‘na hbrâ mơdât HIV/AIDS rak tơniăn tơtro, tơdâng.

Pơkâ troăng hơlâ, pro tơ’lêi hlâu ăm tơdroăng ki vâ thăm mơdêk ki veăng gum dêi mâu khu tơrŭm, mâu ngế krê; pơtối pơhlêh nếo, mơdêk ki rơkê plĕng tung tơdroăng tơbleăng tơdroăng kal, hnê tối, hnê hriâm, malối cho pôi tá pơrah ƀă mâu ngế ki tro pơreăng HIV/AIDS.