Pơtối mê pơtáu Kul - pôa Norodom Sihamoni ai  Hòa thượng Thích Thiện Nhơn, Kăn hnê ngăn Hô̆i đong pơkuâ xiâm tơdroăng khôp Phop Việt Nam - pơkuâ hngêi chuô Quán sứ. Klei chôu nhang a tíu xối pleăng hngêi chuô Quán Sứ, pơtáu Kul tơpui tơno ƀă mâu ƀok Phop a hngêi chuô.

Péa pâ rơtế pơtối vêh tối ngăn mâu hơnăm ton nah, rơtế ƀă dêi rơpó mơdêk hnoăng mâu tiô khôp Phop Việt Nam ƀă Khu ngăn khôp Phop Kul, veăng kum kuăn pơlê péa tơnêi têa tơkâ luâ tơdroăng xơpá. Kăn xiâm ƀok phop Thượng Thích Thiện Nhơn tối, hneăng pơtáu Kul lăm pôu cho tơdroăng ki kal, tối mơhno hnoăng cheăng ki kal dêi Khu tiô phôp Phop Kul ƀă Khu khôp Phop Việt Nam tung veăng mơnhông tơbrê tâ nếo tơrŭm cheăng ƀă mâu kong têa achê, mơhno ki tơrŭm lĕm tro dêi kuăn pơlê péa tơnêi têa.