A rôh trâm mâ, Teăng mâ kăn hnê mơhno Chin phuh, Ngế pro xiâm phŏ hnê ngăn Chin phuh  Lê Minh Khái  pơtroh rơkong rơkâu khât, rơkâu tơdroăng ki lĕm má môi ăm tâi tâng vâi kơdrâi Việt Nam, mâu kơdrâi ki rơkê khu cheăng khoa hok.

Ngế pro xiâm phŏ hnê ngăn Chin phuh Lê Minh Khái tối nhên: vâ pơtối tơmâng khât mơhnhôk mâu khu râ vâi kơdrâi, tung mê tơmâng khât troh mâu khu kơdrâi ki rơkê hbrâ vâ hriâm, tí tăng ‘nâi plĕng, mơdêk ivá cheăng,  hriâm tŭm tơdroăng, ai tiô púi vâ mơnhông mơdêk cheăng kâ rêh ối dêi tơnêi têa, rêm râ, mâu kơvâ cheăng, mâu kong pơlê, khu vâi kơdrâi pơtối châ tơmâng khât, pêi pro tiô pơkâ hneăng hôp má 13 dêi Đảng; tơbleăng mâu pơkâ, hnê mơhno dêi Tíu xiâm Đảng, Khu xiâm kal kí, Kăn pơkuâ hnê ngăn Đảng ‘na pơtối mơjiâng , pơtối pêi hnoăng cheăng dêi khu ki rơkê ai tiô tơdroăng púi vâ mơnhông tơnêi têa rĕng ƀă krá tung la ngiâ.