Vâ chê 1.000 tâ̆n phái dêi Chin phuh troh ƀă mâu rơpŏng pá puât a Dak Lak roh Têt 2024
Thứ tư, 06:00, 07/02/2024
Tơplôu: A Sa Ly/VOV Tây Nguyên
Tơplôu: A Sa Ly/VOV Tây Nguyên
VOV4.Xơ Đăng - Tung 2 hâi lơ 6 – 7/2 (cho hâi má 27 – 28 Têt), Kơ koan xiâm ‘măn tơmeăm Tơnêi têa kơpong peăng hdroh Tây Nguyên tơrŭm ƀă Khu pơkuâ cheăng pêi Mô đô̆i rong râ ƀă Rêh ối pơlê pơla kong pơlê Dak Lak pêi pro xing xoăng phái ăm mâu rơpŏng pá puât a kong pơlê kố vâ tŏng kum tơmeăm kâ tŏng kơdroh kơklêa roh Têt lo hơnăm nếo 2024.
Pơtối mê, tung roh kố a kong pơlê Dak Lak kô ai 16.290 rơpŏng ƀă 61.342 pơ’leăng mâ mơngế ối tung 12 tơring a kong pơlê châ tŏng kum phái tŏng kum kơdroh kơklêa dêi Chin phuh roh Têt lo hơnăm nếo Giáp Thìn 2024.
Rêm pơ’leăng mâ mơngế kô châ tơdah 15 kilô. Tâi tâng kơxô̆ phái châ xing xoăng roh kố cho lối 920 tâ̆n. Klêi kơ’nâi tơdah hnê mơhno dêi Ngế pro xiâm hnê ngăn Chin phuh, mâu kơvâ cheăng, tíu cheăng tung kong pơlê Dak Lak tơkŭm po séa ngăn chêh inâi mâu rơpŏng pá puât vâ xing xoăng phái ăm kuăn pơlê. Tơdroăng xing xoăng phái châ pêi pro tơniăn dâi lĕm, tŭm ăm rêm ngế, tro mơngế ƀă hâi khế xing xoăng mơgêi a kơxê 28 Têt.
Viết bình luận