Hlá mơ-éa Luât pro hnoăng mơhá tê tơmeăm (‘mâi hơ’lêh) pơkâ ‘na mơngế pro hnoăng mơhá, ƀă mơngế ki ôh tá vâ pro hnoăng mơhá, mơngế ki nâp hnoăng mơhá, ngăn a troăng rơhlâ pro hnoăng mơhá, tơgloh ‘nâ ƀă tơvêh nâp hnoăng mơhá. Hlá mơ-éa luât rôh kố hiăng pro rế iâ mơngế ki ôh tá vâ nâp hnoăng mơhá tê mơdró, vâ rak tơniăn, tơleăng mơnhên ki tơvâ tơvân ôh tá tro tung pêi pro.

Hlá mơ-éa luât pro hnoăng mơhá tê mơdró mâu khu ki nâp hnoăng mơhá tâk, mê cho: phon, kơmăi komok, tơmeăm xúa tung pêi chiâk deăng; tuk tơnăng ká a tơdé têa kơxĭ; ‘măn kĭ chứng khoán vâ tối kĭ a tơmeăm khoăng; liăn tơkŭm po tê mơdró dêi xiâm ngăn tê mơdró  chứng khoán cho tê mơdró tơmeăm lơ tíu xiâm tê mơdró chứng khoán; tê mơdró hyôh phôn rơ’jíu ki pơxúa ƀă internet pêi pro tiô tơdroăng dêi chin phuh; pơtối rak mơdró ôm hyô ngăn kuăn kiâ a kơdrum, ôm hyô ngăn kơdrum reăng, kŏng viên, loăng ngiât drô troăng kơphô̆, ai on trâ eăng drô troăng prôk.