Ai 2 khu tơdroăng châ rah xo kơ-êng cho tơdroăng xiâm kal khât ƀă tơtro ƀă pơkâ nôkố, châ kuăn pơlê ƀă Kuăn pơlê tâi ivá tơmâng, ki rơhêng vâ tối cho khu tơdroăng ối tung kơvâ liăn ngân. Tơdroăng xiâm kơ-êng ƀă tiâ rơkong kơ-êng tơkŭm tung tơdroăng pơkuâ, séa ngăn tơdroăng tê mơdró ƀaoh hiêm; ăm phêp pêi cheăng dêi mâu kŏng ti pêi tê mơdró tơdjâk liăn ngân; tơdroăng pêi pro luât ƀă tơdroăng tê mơdró xổ số, kok, casino ƀă tơdroăng xah hêi điê̆n tưh ai pri.

Ƀă khu tơdroăng ối tung kơvâ tơpui kâ ƀă kong têa ê, tơdroăng xiâm kơ-êng ƀă tiâ rơkong kơ-êng tơkŭm tung tơdroăng tŏng kum rơpŏng kuăn pơlê Việt Nam a kong têa ê. Tơdroăng rah xo kơvâ ƀă khu tơdroăng ối tung kơvâ kơ-êng ăm hlo tơdroăng ki achê dêi Vi ƀan pơkuâ Kuô̆k hô̆i; ƀă tơdroăng pêi cheăng dêi kơ koan kuăn pơlê rah xo ƀă tơdroăng rêh ối nôkố, tơxâng ƀă teăm tơdrêng tơleăng mâu tơdroăng pơkâ kơ-êng, tơdroăng ki nếo ki tơdroăng rêh ối pơkâ thế pêi.