Pôa Vương Đình Huệ, Kăn xiâm hnê ngăn Kuô̆k hô̆i tối nhên, roh má 31, Vi ƀan pơkuâ Kuô̆k hô̆i tơpui tối ‘na tiâ tối, tơmâng xo ƀă 7 tơdroăng tơkêa bro Luât, mê cho: tơdroăng tơkêa bro Luât pơlê kong xiâm (‘mâi rơnêu); tơdroăng tơkêa bro Luât ‘mâi tơnêu, tơ’nôm mâu troăng dêi Luât pơkâ yă tơmeăm khoăng; tơdroăng tơkêa bro Luât Khu tơrŭm Hngêi tơleăng kuăn pơlê (‘mâi rơnêu); tơdroăng tơkêa bro Luât Troăng prôk; tơdroăng tơkêa bro Luât gâk kring tơniăn, rak tơniăn troăng klông; tơdroăng tơkêa bro Luât Kơmăi kơmok cheăng lêng, gâk kring ƀă mơhnhôk khu pêi cheăng kơmăi kơmok; tơdroăng tơkêa bro Luât Ƀaoh hiêm pơlê pơla (‘mâi rơnêu).

Kăn xiâm hnê ngăn Kuô̆k hô̆i tối ăm ‘nâi, tơdroăng xiâm tơtrŏng a roh hôp cho Vi ƀan pơkuâ Kuô̆k hô̆i kô tơkŭm kơ-êng ƀă tiâ rơkong kơ-êng. Pôa Hồ Đức Phớc, Ngế xiâm pơkuâ liăn ngân ƀă pôa Bùi Thanh Sơn, Ngế xiâm tơpui kâ ƀă kong têa ê kô tiâ rơkong kơ-êng 2 khu tơdroăng ối tung kơvâ liăn ngân ƀă tơpui kâ ƀă kong têa ê.