Tiô tơdroăng, Vi ƀan pơkuâ cheăng Kuô̆k hô̆i kô ăm veăng hnê tối ‘na tơdroăng pơtroh tơbleăng, tơmâng xo, ‘mâi hơ’lêh tơdroăng chêh ‘na Luât Tơnêi (‘mâi hơ’lêh); Luât mâu khu ăm mung liăn (‘mâi hơ’lêh); tơdroăng chêh tiô pơkâ ‘na mâu luât pơkâ, luât tŏng kum vâ tah ki xơpá, tơvâ tơvân, mơdêk ki rơkê plĕng tung pêi pro mâu tơdroăng pơkâ dêi tơnêi ƀă tơdroăng chêh ‘na Pơkâ tơ’nôm  tơdroăng Pơkâ ‘no liăn mơjiâng tơmeăm khoăng tơnêi têa ki ton hơnăm xo ing liăn ngân xiâm tơnêi têa pơla hơnăm 2021-2025 xo ing liăn ‘măn kơdĭng tơdjuôm tơ’mô ƀă liăn châ xo, kơdĭng hrê liăn ngân xiâm tơnêi têa hơnăm 2022 ăm mâu tơdroăng vâ pêi, tơdroăng tơkêa bro ‘no liăn pro tơmeăm khoăng tơnêi têa ƀă tơ’nôm Pơkâ ‘no liăn pro tơmeăm khoăng ton hơnăm ăm Grup ngăn on tơhrik Việt Nam ing kơxô̆liăn ‘măn kơdĭng dêi Pơkâ ‘no liăn mơjiâng tơmeăm khoăng ton hơnăm.

4 tơdroăng ki kal mê hiăng châ mâu kăn Kuô̆k hô̆i tơpui tơno a hâi hôp tung 2 hâi dêi rôh hôp ôh tá xê tiah hmâ roh má 5. Klêi Vi ƀan pơkuâ Kuô̆k hŏi tơmâng xo, ‘mâi hơ’lêh mâu kăn Kuô̆k hô̆i kô séa ngăn, tơbleăng a kơxo ah hâi lơ 18/1 tung rôh hôp ôh tá xê tiah hmâ rôh má 5 kố.