Kơxo hâi lơ 8/4, a Hà Nội, Khu kăn dêi Vi ƀan xiâm Măt trâ̆n tơnêi têa Việt Nam hiăng tơkŭm po Leh tơdah xo veăng kum tơdroăng pơ-eăng, mơnê mâu ngế lêng mố đô̆i ki hlâ xua tơplâ, mâu lêng Điện Biên, mâu hơnăm ối nếo ki pleăng hnoăng tơná lăm tơplâ, mâu ngế ki veăng lăm tơplâ  a Điện Biên Phủ) tung lâp tơnêi. Pôa Đỗ Văn Chiến, Kăn hnê ngăn  tíu xiâm Đảng, Kăn xiâm hnê ngăn Vi ƀan tíu xiâm Măt trâ̆n tơnêi têa Việt Nam veăng Leh tơdah xo veăng kum. 

A rôh leh, Kăn phŏ pơkuâ Hngêi rak liăn Tơnei têa Việt Nam Đào Minh Tú diap kơxô̆ liăn 20 rơtal ing Kông đoân Hngêi rak liăn Việt Nam mơhnhôk veăng kum pơeăng, tơbâ kơ mâu ngế ki hlâ xua tơplâ, mâu lêng mố đô̆ tơplâ Điện Biên, mâu hơnăm ối nếo ki lăm pleăng tơná tơplâ, mâu ngế ki châ pơcháu lăm tơplâ veăng tơplâ Điện Biên Phủ. Drêng kố, Hngêi rak liăn Kum pêi chiâk ƀă mơnhông thôn pơlê Việt Nam xuân diâp kơxô̆ liăn 2 rơtal vâ mơnê kơ mâu ki hiăng hlâ tơlâ Điện Biên, mâu hơnăm ối nếo pleăng hnoăng tơná, mâu ngế châ pơcháu lăm tơplâ a Điện Biên Phủ a kong pơlê Thanh Hóa.