A roh trâm mâ, Kăn xiâm phŏ hnê ngăn tơnêi têa kheăn kơdeăn tơdroăng tơrŭm cheăng, tŏng kum dêi UNICEF ăm Việt Nam vâ chê 50 hơnăm hiăng hluâ tung mơjiâng ƀă pêi pro mâu troăng pêi cheăng, troăng hơlâ ‘na rak ngăn ivá, hnê hriâm ƀă gâk kring vâi hdrêng.

Kăn pơkuâ UNICEF mơnhên kô tâi ivá tơrŭm cheăng, tŏng kum Việt Nam pơtối pêi pro Tơdroăng tơnêi têa Việt Nam – UNICEF hneăng hơnăm 2022 – 2026 ƀă tơniăn rế hía rế lĕm tro tâ mâu hnoăng vâi hdrêng, ki má lối cho ‘na hnê hriâm, khăm pơlât, trếo piê kơhiê, châ xúa têa kruá ƀă mơgrúa lĕm.

Péa pâ môi tuăn thăm mơdêk tơrŭm cheăng pơla Việt Nam ƀă UNICEF vâ tŏng kum Việt Nam châ tơƀrê hên tâ mê nếo tung tơdroăng rak ngăn ƀă gâk kring vâi hdrêng, xuân môi veăng kum tung mâu tơdroăng mơ-eăm lâp plâi tơnêi tung kơvâ cheăng kố, tơtro ƀă tíu ối pêi cheăng rế hía rế to a ‘ngêi dêi Việt Nam.