Ki xiâm dêi tơdroăng kố, pơkal thế mâu kơ koan ai tơdjâk troh, khu hnê ngăn rêh ối pơlê pơla ƀă mâu rơpŏng hngêi kal athế tŏng kum hên tâ tung kring vế, rak ngăn vâi hdrêng, maluâ a rơnó tô mơdrăng khăng khoăng. Apoăng hơnăm troh nôkố, a kong pơlê Gia Lai hiăng ai 7 xôh vâi hdrêng ki klâk têa, pro 10 ngế vâi ‘nĕng hlâ. Tung mê, tơdroăng ki tro klâk têa hmâ xía vâ a mâu tơring Krông Pa, Đăk Đoa, Kƀang.

Mâu ngế ki hlâ klâk têa mê, cho vâi o hơnăm ối iâ dế hriâm a hngêi trung, hmâ lo lăm a klâng, têa kroăng, têa krông, chiâk deăng vâ kơ’nê ro, tŏng kum dêi nôu pâ vâ rêh kâ ối. Pôa Phạm Trần Anh, Kăn phŏ hnê ngăn ‘na Cheăng pêi, mô đô̆i rong, ƀă pơlê pơla dêi kong pơlê Gia Lai tối tiah kố, tơdrêng ƀă tơdroăng ki thăm mơdêk tuăn hiâm hbrâ kơchăng, ƀă hnê vâi hdrêng túa ki ‘nâi rak vế dêi châ chăn drêng achê ƀă têa, rêm rơpŏng hngêi kal athế pơkuâ ngăn kơtăng ‘na tơdroăng xah hêi dêi vâi hdrêng a rơnó tô mơdrăng, rơnó pơtê hriâm.