Tiô hlá mơ-éa dêi Khu xiâm ngăn hnê hriâm ƀă hnê mơjiâng tuăn ngoâ rơkê, tơdroăng ki vâ pêi ‘Tơdroăng tung la ngiâ mơnhông hnê hriâm hơnăm 2030, troăng ngăn troh hơnăm 2045” cho hnê kuăn mơngế Việt Nam tŭm têk, mơdêk khât ki ai hlâu, ivá tơmiât rơkê dêi rêm ngế krê ƀă hên ki ê.

Mơjiâng troăng hnê hriâm, tơdâng tơ’mô ƀă tơdâng, kum hriâm tâp plâ rơxông, tiô troăng tơdroăng hơ’lêh, tơniăn krê, pơlê pơla ƀă tơrŭm ƀă kong têa ê, troh hơnăm 2030 châ tơdroăng ki rơkê dêi kơpong châu Á.

Tơpui a rôh hôp, Ngế pro xiâm phŏ hnê ngăn tơnêi têa tối nhên, Tơdroăng tung la ngiâ kal mơ-eăm tơmiât tro, tơdrêng amê hlối ai tơdroăng ki tăng ‘nâi, hmâ ƀă tơbrê. Tơdroăng tơbleăng tung la ngiâ athế mơhnhôk tơdroăng ki veăng dêi tâi tâng khu pơkuâ, tung mê, ai khu pơkuâ krê vâ liăn ngân pơlê pơla rơtế ƀă Tơnêi têa mơdêk ‘no liăn tơƀrê ăm tơdroăng ki hnê hriâm.

Tơdrêng amê hlối kal tơmiât troh tơdroăng cheăng kâ, mâu kơvâ cheăng ƀă kơmăi kơmok tung la ngiâ, hnoăng cheăng pôu râng dêi mâu khu mơdró kâ tung pơla veăng pơkâ tơdroăng, pơkâ thế mơ’no ăm kơvâ ngăn hnê hriâm.