VOV.Xơ Đăng – Mâu tơdroăng kal xiâm tung tơnêi têa pin:
-Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa trâm mâ mâu khu tơrŭm nhŏng o Việt Nam.
-Pôa Lê Minh Hưng, Ngế pro xiâm hnê ngăn Chin phuh trâm mâ tơpui tono Pơtáu prế Kơdrâi pơtáu kong têa Siam.
-Vâ chê 70.000 rôh ngế veăng tơlo lối 11 rơtal liăn pâ mơnê mô đô̆i hlâ tung tơplâ xâ.
-VOV Tây Nguyên hbrâ tơniăn gâk kring tơnêi têa, kring tơniăn ƀă tơniăn tơdroăng cheăng.
-Ƀă mâu tơdroăng pơhlêh tung tơmiât ƀă troăng pêi châ tơƀrê ing mâu troăng pêt mơjiâng tơmeăm, tơdroăng rêh ối kuăn pơlê hdrông kuăn ngo a cheăm Bảo Lâm 5, kong pơlê Lâm Đồng chôa ‘lâng kơdroh kơtiê ƀă mơnhông mơdêk krá tơniăn. Kố cho tơdroăng ki xiâm dêi ‘’Tơdroăng hơ’muăn ki pơlê pơla hâk vâ ‘nâi plĕng ’’ a mơ’nui tơdroăng hâi kố.