Ƀok Tổng Bí thư Nguyễn Phú Trọng năm akŏm păng pơma pơgơ̆r tơ̆ hop akŏm. Lơ̆m hop akŏm, rim bơngai tang măt pơma đam, tơgop nơ̆r hăm: Chih akŏm sơkơ̆t tơdrong jang đảng đơ̆ng anih jang Đảng Kŏng an TW sơnăm 2023 păng tơlĕch trong jang, sơnong jang ăn sơnăm 2024; Chih akŏm sơkơ̆t tơdrong jang đei jơnei pơm kiơ̆ Tơchơ̆t kơsô̆ 12 đơ̆ng Anih tơm Chĭnh trĭ gah hơtŏk pran pơjing khul Kŏng an kon pơlei tơpă hlăng rơgoh, pran kơtang, hơbĕch hơbal, pơm trŏ ƀlep sơnong jang lơ̆m chăl ‘nao dang ei.

Pơma ah Hop akŏm, Ƀok Tổng Bí thư Nguyễn Phú Trọng pơkăl, Đảng uy Kŏng an TW athei kơchăng hơlen tơnăp vă tơgŭm ăn kơ Đảng, Khul kơpal teh đak, jơnŭm pơgơ̆r tơring tơlĕch dôm tơchơ̆t jang, khôi luơ̆t teh đak gah hơtŏk mŭk drăm – tơpôl, vei sơđơ̆ng tơpôl teh đak.