Ƀlep ƀơ̆t năr lêh tih kơ sinh viên Việt Nam, dôm bơngai tang măt Hop akŏm Khŭl sinh viên hơgei ăn bơngai jang lơ̆m khŭl, sinh viên jơ̆p tơring kơ teh đak, bơngai jang lơ̆m khŭl, sinh viên Việt Nam oei tơ̆ teh đak đe đei măt tơ̆ cham să Ba Đình mơ̆t hơpong tơ̆ pơsat Ƀok Hồ.

Roi tơbăt hăm Ƀok Hồ dôm jơnei hlôi iŏk đei lơ̆m tơdrong jang Khŭl păng tơdrong jang sinh viên tơroi rơđăh: “Hăm tơdrong hơiă, jang tơnăp jang pơtăl tơdrong jang kach mạng ang hơdăh đơ̆ng hơdrĕch hơdrŭng, rim bơngai tang măt păng sinh viên lơ̆m teh đak kăl kơ hơdrin lơ hloh dơ̆ng, hŏk pơhrăm, pơcheh hơgei, hơtŏk tơiung kơdih kâu păng tơgop ‘lơ̆ng ăn tơdrong jang pơjing păng vei lăng teh đak Việt Nam xã hội chủ nghĩa”.