Kiơ̆ trong tơlĕch jang, đơ̆ng trong proh hơmet, lơ̆m teh đak gô đei 34 anih bơ̆jang tơ̆ dêh char, ‘noh đei 6 pơlei tơm găh Trung ương păng 28 dêh char. Lơ nơ̆r tơgop akhan, tơdrong proh hơmet anih bơ̆jang tơ̆ dêh char ‘măng âu ưh khan lăp tơ jur jăl hơlam ‘noh jăl apŭng vă khŭl jang pơgơ̆r trŏ lăp hloh, mă oei pơm hơnih hơtŏk tơiung tôm pran, tơ klep hơdai tơdrong pran tơring (pơđĭ hloi tơring kông păng tơring đak dơsĭ).

Kiơ̆ pơgơ̆r jang đơ̆ng Anih tơm Chĭnh trĭ, đơ̆ng ‘năr 1-7 truh, gô iŏk bơ̆jang anih bơ̆jang ‘nao, hăm khŭl kơdră chĕp kơ̆l 2 tăl ( ‘noh dêh char păng xăh). Khŭl kơdră hlôi pơma hơdăh ‘nâu ưh kơ sĭ pơgơ̆r dơ̆ng khŭl jang, mă oei jing tơdrong hiôk vă tơplih ‘nao, hơtŏk ‘lơ̆ng kĕ vei lăng, pơm tơdrong ‘lơ̆ng tŭn pran klăih song hơnăp jang, klăih song kơchư̆k jang păng hơtŏk loi dơ̆ng tơdrong pơm tơm kơdih, pŭ hơnăp jang kơdih đơ̆ng khŭl kơdră tơring.