Lơ̆m dôm sơnăm âu ki, VOV Tây Nguyên păng Anih tơm pơgơ̆r Khŭl lĭnh Đắk Lắk hlôi jang hơdai kơjăp lơ̆m tơdrong jang tơroi tơbăt. Đại tá Trần Minh Trọng, Chính ủy Anih tơm pơgơ̆r khŭl lĭnh dêh char Đắk Lắk hơlen lăng hơnăp jang gĭt kăl đơ̆ng tơdrong jang tơroi tơbăt lơ̆m jang kiơ̆ hơnăp jang vei sơđơ̆ng teh đak.

Tơdrong kĭ pơkăp vă hơtŏk ‘lơ̆ng đei yua jang hơdai tơroi băl tơdrong kơtơ̆ng ang, tơroi tơbăt tơtom, ƀlep đei yua hơnăp jang khŭl lĭnh, pơjing pran kơjăp tôm tơdrong đĭ đăng kon pơlei vei sơđơ̆ng teh đak, tơdrong jang đơ̆ng Khŭl lĭnh dêh char Đắk Lắk lơ̆m tơdrong jang pơjing vei lăng teh đak lơ̆m dôm tơdrong kơtơ̆ng ang đơ̆ng Anih radiô nơ̆r pơma Việt Nam; pôk pơ ư păng pơih să rim khŭl tơpôl, kơdih jang hơgei, tơgop păr ang um rup ‘lơ̆ng bơngai lĭnh “Ƀô̆ đô̆i ƀok Hồ” lơ̆m chăl ‘nao.