Pơma ah ‘măng akŏm, Thủ tướng Phạm Minh Chính pôk bơnê kơ dôm tơdrong hơdrin păng jang đei jơnei kơ anih jang Vei lăng jên hu păng dôm anih jang mong jên; jang atŭm kơjăp hăm dôm anih jang tơm, rim tơring; tơdrong drơ̆ng lăp, vang jang kăp gĭt đơ̆ng kon pơlei, anih jang mŭk drăm, tơgop lơ̆m tơdrong tơplih kơsô̆ kơ teh đak.

Gah sơnong jang, trong jang tơm lơ̆m khei năr truh, Thủ tướng pơkăl kơdră Anih jang vei lăng jên hu teh đak păng tôm anih jang mong jên athei jang tơnăp hloh dơ̆ng lơ̆m tơdrong tơlĕch jang tơplih kơsô̆ Anih jang vei lăng jên hu, tơguăt hăm tơplih kơsô̆ kơ teh đak gơh kơjăp sơđơ̆ng, tơnăp. Thủ tướng pơkăl anih jang vei lăng jên hu tơguăt tơlĕch jang tơnăp dôm sơnong jang tơ̆ Tơchơ̆t jang tơplih kơsô̆ kơ teh đak, Tơchơ̆t hơtŏk anih jang vei lăng jên hu.