Dêh char đei đon pơhnŏng lơ̆m sơnăm 2024 atŏk tơiung 3.117 ha bri. Tơ̆ lêh pơtăm ‘long pơgơ̆r tơ̆ plt Gia Nghĩa, ƀok Lê Trọng Yên, Phŏ Kơdră vei lăng kon pơlei dêh char Đắk Nông krao hơvơn rim anih jang, khul grŭp tơpôl păng đĭ đăng kon pơlei hơtŏk đon hlôh vao, adrin pơtăm păng vei lăng ‘long, vei lăng bri vang tơgop vei lăng ‘lơ̆ng cham char, tơjră hăm tŏ ‘mi kial tơplih. 

Đơ̆ng rŏng kơ lêh, kơdră chĕp kơ̆l dêh char Đắk Nông kŭm hăm dôm khul grŭp păng kon pơlei pơtăm đei vă jê̆ 1000 tơnơm ‘long tơgiĕr găm, ‘long pang jê̆ dơnâu đak Hnam kơmăy unh điên Đắk R’Tih, phường Nghĩa Tân, plt Gia Nghĩa. Hơdai lơ̆m năr, dôm anih jang kơpal, anih jang, tơring tơrang lơ̆m dêh char Đắk Nông vang pơgơ̆r pơtăm ‘long kiơ̆ tơdrong lêh “Têt pơtăm ‘long rim jơhnơr ƀlŏk hơdơ̆r kơ Ƀok Hô”. Ƀlep ƀât ‘măng mă âu, gô đei hlŏh 32.000 tơnơm ‘long đei pơtăm lơ̆m dêh char.