Đei 60 ‘nu hŏk tro iŏk đei tơmam hơpăh lơ̆m tơdrong pơlong chă rơih hŏk tro hơgei jăl THPT kơ teh đak sơnăm 2023-2024, chơt hơiă iŏk đei Ƀăng khen đơ̆ng Kơdră tơm vei lăng pơtho pơhrăm. 31 ‘nu thây kô hơgei iŏk đei jơnei ‘lơ̆ng lơ̆m tơdrong pơtho pơhrăm ăn hŏk tro hơgei păng 26 ‘nu ŏh iŏk đei mê đai măih lơ̆m tơdrong pơlong Olympic 30/4 đei Anih vei lăng kon pơlei dêh char hơpăh ăn Ƀăng khen.

Găh noh dơ̆ng, Anih vei lăng kon pơlei dêh char Đắk Lắk oei hơpăh Ƀăng khen ăn thây kô, hŏk tro iŏk đei jơnei ‘lơ̆ng lơ̆m Tơdrong pơlong Trạng nguyên Nơ̆r Yoăn ăn hŏk tro jăl mônh, Tơdrong pơlong “Hŏk tro, sinh viên hăm đon tơchĕng iung jang xa hơgei” păng Tơdrong pơlong “Pơchĕh khoa hŏk ki thuơ̆t ‘măn ăn hŏk tro Trung hŏk lơ̆m teh đak".