Kiơ̆ kơ ‘noh, Thủ tướng teh đak athei dôm anih tơm, anih jang hơtŏ anih tơm, anih jang găh Khŭl kơdră teh đak, Anih vei lăng kon pơlei dôm dêh char, pơlei tơm găh Trung ương chĕp kơ̆l, pơgơ̆r ƀlep, hơmet ăn mă ‘lơ̆ng, mă hơlen dôm tơdrong hiôk; roi tơbăt athei kơchăng, tơtom, tôm; ưh kơ gơh pơm pơhơi, ưh kơ ‘lơ ‘lŏ, pơm tơdrong hiôk ‘lơ̆ng hloh ăn kơ đe hŏk tro vang pơlong.

Anih vei lăng kon pơlei dôm dêh char, pơlei tơm hơmet ăn tôm dôm tơdrong hiôk găh bơngai jang, tơmam, dôm tơdrong kăl nai vă pơgơ̆r ‘Măng pơlong, mă loi ‘noh jĭ dôm trong jang tơjră hăm tŏ ‘mi kial kơ nê̆, tơdrong đei ƀôh ưh kơ ‘lơ̆ng. Pơm tơdrong hiôk găh năm vih vơ̆t, oei sa, pơdơh ăn kơ hŏk tro păng bơngai ŭnh hnam hŏk tro tơ̆ dôm hơnih pơlong, mă loi ‘noh jĭ hŏk tro đei tơdrong arih sa mơmat tat, tơring hơtăih hơtŏ, tơring kon pơlei kon kông, tơring groi kông păng tơring sơlam, achon đak dơsĭ.