Tơ̆ jơ pơm jang, dêh char Đăk Lăk hlôi tơroi hơdah lơ tơdrong tơnap tap lơ̆m tơlĕch man trong nơnăm dơnơm: trong Hồ Chí Minh jăl veh gah Hơlĕch Buôn Ma Thuột păng jăl trong Tih Khánh Hoà – Buôn Ma Thuột. Ƀok Phạm Ngọc Nghị, Kơdră Anih jang vei lăng kon pơlei dêh char Đăk Lăk tơroi hơdah gah tơdrong ưh kơ ƀlep tơ̆ hơnăp Anih tơm Trong nơnăm Pơdŭ tơmam drăm, kơlih dôm tơdrong jang man trong nơnăm dơnơm hơdar hloh kơ pơkăp jang.

Kơdră Anih jang vei lăng kon pơlei dêh char Đăk Lăk băt hơdah đei tơdrong veh ver hăm sơnong jang đơ̆ng minh ƀar anih jang tơ̆ tơring. Sơkơ̆t pơtôch jơ pơm jang, Thư̆ trương Anih tơm jang gah Trong nơnăm Pơdŭ tơmam drăm Lê Anh Tuấn pơkăl dêh char Đăk Lăk tơrĕk hloh truh tơdrong tơlĕch man trong nơnăm dơnơm, mă kăl noh tơdrong hrŭ ‘mong iŏk teh ming man kiơ̆ trŏ khei năr tơchơ̆t. Khei năr âu noh pơyan ‘mi, anih teh ming man roi kăl hloh dơ̆ng.