Pơma tơ̆ hop akŏm, Kơdră Quốc hội ăn tơbăt, dôm tơdrong đei set hơlen tơ̆ ‘măng hop akŏm ‘măng âu vă pơyua ăn tơdrong jang proh hơmet pơm tŏ sĕt bơngai jang teh đak lơ̆m jăl jang đơ̆ng rŏng dơ̆ng.

Kơdră Quốc hội athei rim anih jang kơ Quốc hội hơnơ̆ng hơtŏk jơhngơ̆m đon jang tơnăp, jang hơdai kơjăp hăm dôm anih jang kơ Khŭl kơdră teh đak, hơmet ăn mă hơlen dôm tơdrong jang pơtruh ăn Anih tơm Chĭnh trĭ, Khŭl chĕp kơ̆l pơgơ̆r Trung ương vei sơđơ̆ng ‘lơ̆ng păng ‘meh vă tơlĕch ăn, Kơdră Quốc hội Trần Thanh Mẫn athei hơtŏk loi dơ̆ng tơdrong jang tơroi tơbăt, tơdrong jang đon tơchĕng chĭnh trĭ lơ̆m kang ƀô̆, đảng viên păng kon pơlei, drơ̆ng nơ̆r pơđĭ hloi lơ̆m hlôh vao păng bơ̆jang kiơ̆ trong tơ jur jang đơ̆ng Đảng yua kơ tơdrong hơtŏk tơiung kơ teh đak.