
Lơ̆m năr 14 păng 15/7, Đảng ƀô̆ xah Đơn Dương (dêh char Lâm Đồng) pơgơ̆r keh kong Hop akŏm bơngai jang tang măt 'măng mă mônh, jăl jang 2025–2030. 'Nou jĭ hop akŏm tơ̆ xah mă blŭng đơ̆ng rŏng kơ tơmơ̆t hơdai dêh char păng jang kiơ̆ jơnŭm pơgơ̆r 2 tăl đơ̆ng năr 1/7. Đơ̆ng rŏng kơ pơtôch hop akŏm, Phŏ Thủ tướng teh đak bơ̆n Nguyễn Hòa Bình hlôi pơgơ̆r akŏm hơlen tơdrong đei ƀôh, tơbang tơdrong pơgơ̆r hop akŏm truh hăm 123 xah, phương, thĭ trâ̆n lơ̆m jơ̆p dêh char. Rim bơngai tang măt bơnê kơ tơdrong hơmet đơ̆ng Anih jang Tĭnh uy păng Đảng uy xah Đơn Dương.

Pơma ah hop akŏm, Phŏ Thủ tướng Nguyễn Hòa Bình ră hơdah, hop akŏm ưh hơdrô̆ tơdrong akŏm chĭnh trĭ kơ Đảng mă oei kăl pơjing tơdrong hiôk chơt lơ̆m kon pơlei. Hơdrol kơ hop akŏm, athei pơtơm dôm tơdrong pơlong jang vă sơng kơkuh kăp gĭt hloh, ưh hơdrô̆ đơ̆ng jên asong jang teh đak mă asong jang đơ̆ng tơ-'ngla hloi, vă tơgop pơm trong hơtŏk tơ-iung kơ tơring đơ̆ng rŏng kơ tơmơ̆t hơdai.
Viết bình luận