Kiơ̆ kơ Anih pơgơ̆r, dôm tơdrong kăl đei hla ar chih kơtơ̆ng ang chih tơroi khei ‘năr âu ki akŏm lơ̆m tơdrong tơlĕch jang tơdrong jang khŭl kơdră chĕp kơ̆l 2 tăl, ưh kơ ‘lơ̆ng tơ̆ 1,2 tơdrong jang trong nơnăm, tơdrong jang vei lăng tơmam ming man, jĭ klak nhŭng châu Phi păng tơdrong pơnhŭl tơpôl yua đơ̆ng sa ƀĕng mi tơ̆ xăh M’Đrắk. Găh dôm tơdrong ‘nâu, kơdră chĕp kơ̆l dôm Anih jang ƀơm truh hlôi đei tơl tơroi hơdăh păng tơlĕch ăn trong jang hơmet pơ ‘lơ̆ng trŏ lăp.

Ƀơm truh ƀai “Pơmat tat đei ƀôh đơ̆ng rŏng 15 năr bơ̆jang khŭl kơdră chĕp kơ̆l 2 tăl tơ̆ Đắk Lắk”, chih tăh lơ̆m VOV, kơdră chĕp kơ̆l dôm tơring ƀơm truh chih iŏk VOV hlôi tơroi ƀlep tơdrong. Ƀok Nguyễn Tự Do, Phŏ Kơdră Anih vei lăng kon pơlei xăh Quảng Phú roi tơbăt, dôm tơdrong pơmat tat mă hla ar chih kơtơ̆ng ang chih tơroi, hlôi đei hơmet ‘lơ̆ng, tơdrong bơ̆jang đơ̆ng xă dang ei sơđơ̆ng bơih. Tơ̆ jơ hop akŏm tơroi tơbăt hăm khŭl chih kơtơ̆ng ang hơtŏk tơdrong pran mŭk drăm đak dơsĭ, bri păng trong tơlĕch jang lơ tơdrong jang tơm.