Iung pơma tơ̆ Hop akom, Thủ tướng Teh đak Phạm Minh Chính akhan, tơring kon kông păng groi kông ‘noh jing tơring tơnap tap găh jang mŭk drăm, pơtho pơhrăm, vei lăng rơgoh cham char, tơdrong joăt, jang sa ... Kơ yuơ lơ loh kăl hơlen mă brĕ dôm tơdrong hlôi jang đei, dôm tơdrong jang tim mă ‘lơ̆ng, tơtom hơmet pơ ‘lơ̆ng vă pơrô̆ iung jang kiơ̆ lơ̆m jăl jang truh ou kơnh, tơdrong jang kiơ̆ Tơdrong jang tơm Teh đak atŏk tơ iung mŭk drăm-tơpôl tơring kon kông păng groi kông gô iung jang ‘lơ̆ng hloh dơ̆ng, akom khul jang kơtang hloh dơ̆ng, jơnei hloh dơ̆ng, tơplih ‘nao tơlĕch jang, iung jang tơdrong yă kiơ keh đang tơdrong mă ‘noh vă tơdrong hơrih sa ‘lơ̆ng hơ iă hloh dơ̆ng ăn kon pơlei kon kông păng groi kông.