Lơ̆m 4 năr tơ̆ Hàn Quốc, Tổng Bí thư Tô Lâm hlôi bơ̆ jang lơ tơdrong hăm rim ‘măng pơma đam, pơma dơnuh, tơƀơ̆p dih băl hăm rim Kơdră chĕp pơgơ̆r teh đak Hàn Quốc, khul jang chinh trĭ, khul jang mŭk drăm, joh ayŏ, bơngai khoa hŏk, tơƀơ̆p pơma dơnuh hăm kon pơlei Việt Nam oei tơ̆ Hàn Quốc păng dôm boăl bơngai Hàn Quốc ‘mêm kơ eng Việt Nam. Pơtôch ‘măng năm tơmang ‘măng mă ou, ƀar păh hlôi kĭ pơkăp 50 hla bơar jang hơdoi ƀar păh rim Hơnih tơm, hơnih bơ̆ jang, khul jang, hơnih mơdro păng tơring kơ ƀar teh đak găh jang hơdoi lơ̆m rim tơdrong jang păng atŏk kơtang jang hơdoi ƀar păh rim tơring Việt Nam hăm rim hơnih mơdro sa Hàn Quốc. Dôm tơdrong iŏk đei jơnei lơ̆m ‘măng năm tơmang hlôi jing hơyak tơm hloh pơ̆ih trong ăn tơdrong jang ‘nao ‘lơ̆ng hơ iă kơ tơdrong tơgoăt tơgoăl Jang hơdoi gĭt kal tôm toong ƀar teh đak lơ̆m chăl hle.