Pơgê brei (13/8), Tổng Bí thư Tô Lâm păng Hơkăn sư kŭm hăm Khŭl tang măt gĭt kăl kơ Việt Nam hlôi lĕch đơ̆ng Anih tơm Seoul truh tơ̆ pơlei tơm Busan hơnơ̆ng dôm tơdrong jang lơ̆m jơ năr năm ngôi tơ̆ Hàn Quốc. Lăp đơ̆ng rŏng kơ truh tơ̆ pơlei tơm Busan, Tổng Bí thư Tô Lâm hlôi sơng Bơngai tang măt ăn Việt Nam hơdrol sơ̆ ƀok Park Soo Kwan tơ̆ Hàn Quốc. 

Tơ̆ jơ sơng pơma dơnuh, Tổng Bí thư Tô Lâm roi tơbăt, hăm tơdrong hơgăt hơtŏk loi dơ̆ng tơdrong đei măt đơ̆ng bơngai jang tơbôl Việt Nam tơ̆ tơring Pơbăh Hàn Quốc, hơdai hăm ‘noh pơm lăp hăm ‘meh vă roi ‘năr roi lơ đơ̆ng tơpôl bơngai Việt Nam păng dôm bơngai jang hơdai tơ̆ teh đak âu, Anih tơm jang tơbôl Việt Nam hlôi tơchơ̆t pơjing Anih jang tang măt ăn Việt Nam tơ̆ pơlei tơm Busan. Vă tơdrong jang đơ̆ng Bơngai tang măt ăn Việt Nam tơ̆ pơlei tơm Busan đei tơlĕch jang hiôk păng bơ̆jang đei yua, Tổng Bí thư ‘meh vă ƀok Park Soo Kwan hơnơ̆ng bơngơ̆t truh, tơgŭm păng pơm tơdrong hiôk hloh ăn Bơngai tang măt ăn Việt Nam tơ̆ pơlei tơm Busan, Hàn Quốc tơ̆ hơnăp kơnh.