Thủ tướng pơma hơdăh Việt Nam chu tơroi băl tơdrong hlôh vao găh hơmet ming anih mơdro sa teh đak, roi tơƀôh tơdrong jang hla ar trŏ luơ̆t păng trong vei lăng, kŭm nhen dôm trong jang hơvơn jên păng vei lăng tơmơ̆t jên jang; athei 2 păh pơjing trong jang pơma dơnuh hơnơ̆ng đơ̆ng dôm anih jang kơpal, mă loi ‘noh jĭ tơdrong tơroi băl tơdrong hlôh vao yan âu tơ̆ dôm Kŏng ti tơm, Grŭp jang teh đak kơ Việt Nam gô tơgŭm pơm trong lăng tôm, gĭt kăl vă rơih iŏk, tơmơ̆t yua trŏ lăp hăm tơdrong yan âu kơ Lào.

Phŏ Thủ tướng Lào Saleumxay Kommasith pơma hơdăh lơ̆m kơplăh pơjing mŭk drăm hiôk hian, pơm tơm kơdih, Lào ling lang jang hơdai kơjăp păng ‘meh vă hŏk pơhrăm dôm tơdrong hlôh vao kăp gĭt đơ̆ng Việt Nam, mă loi ‘noh jĭ lơ̆m tơdrong jang vei lăng păng hơtŏk tơiung anih mơdro sa teh đak, tơdrong jang vei lăng ‘nao, yak truh pơjing mŭk drăm Lào bơ̆jang đei yua, kơjăp ‘lơ̆ng.