Iung pơma pơtôch ‘măng hop akŏm mă 48, Kơdră chĕp pơgơ̆r Kuô̆k hô̆i Trần Thanh Mẫn sơkơ̆t hơdăh, hăm bơ̆ jang tơnăp păng hơnăp jang kơtang, Hơnih bơ̆ jang Kuô̆k hô̆i hlôi jang keh đang đĭ đăng dôm tơdrong jang ‘Măng hop akŏm mă 48 hăm 17 tơdrong pơma dơnuh kơtă păng mĭnh ƀar tơdrong jang lăng hơlen hăm chih hla bơar, hơmet ăn lơ tơdrong ăn ‘Măng hop akŏm mă 10. Kơdră chĕp pơgơ̆r Kuô̆k hô̆i Trần Thanh Mẫn pơkă, ‘măng hop akom khei 9 ‘noh ‘Măng hop akŏm kăl hloh ăn tơgop nơ̆r hăm rim tơdrong pơtruh ăn ‘Măng hop akom mă 10 hăm lơ tơdrong nhen ăn tơgop nơ̆r ‘măng mă 2 găh hơmet ăn ‘Măng hop akŏm mă 10; lăng hơlen, pơdrŏng kiơ̆ Tơdrong jang pơjing khôi luơ̆t 2026; ăn tơgop nơ̆r rim hla bơar tơbăt bơ̆ jang ăn hop akŏm pơtôch bơ̆ jang jăl jang kơ Kuô̆k hô̆i păng kơ rim hơnih bơ̆ jang teh đak, bơ̆ jang hơmet ăn pôk rơih păng dang 50 tơdrong vă jang khôi luơ̆t, tơdrong tơchơ̆t kăl anai.