Kơdră teh đak bơ̆n sơng Kơdră Jơnŭm Tơgŭm jang Tĕch pơdro kơ APEC 2025
Thứ tư, 14:11, 16/07/2025
Lan chih tơblơ̆
Lan chih tơblơ̆
VOV4.Bahnar – Kơsơ̆ năr 15/7, lơ̆m 'Măng hop akŏm mă 3 Jơnŭm Tơgŭm jang Tĕch pơdro kơ APEC (ABAC III), Kơdră teh đak bơ̆n Lương Cường hlôi sơng ƀok Hyun Sang Cho – Kơdră ABAC 2025, Phŏ Kơdră Anih jang Hyosung (Hàn Quốc).
Kơdră teh đak bơ̆n hmach bơnê kơ ABAC III jĭ 'măng kăp gĭt vă jơnŭm jang tĕch pơdro tơgop kăp gĭt ăn Hop akŏm Kơpal APEC 2025 tơ̆ Hàn Quốc. Kơdră teh đak bơ̆n lui ngeh Việt Nam gô tơgop kăp gĭt ăn tơdrong hop akŏm, hơtŏk tơ-iung kơjăp sơđơ̆ng păng pơih să hăm tơdrong jang mŭk drăm lơ̆m tơring châu Á – Thái Bình Dương.
Bơnê kơ dôm tơdrong asong jang đơ̆ng Anih jang Hyosung tơ̆ Việt Nam, Kơdră teh đak bơ̆n sơkơ̆t hơdah Việt Nam hơnơ̆ng pôk bơnê kơ dôm anih asong jang kiơ̆ trong tơplih 'nao kơmăi kơmŏk. Kơdră teh đak bơ̆n pơtruh nơ̆r hăm ƀok Hyun Sang Cho pơtoi pơm gơng tơroh vă hơtŏk jang hơdoi đơ̆ng anih jang mŭk drăm Việt Nam păng dôm teh đak vang jang lơ̆m tơring, tơgop lơ̆m tơdrong jang hơdoi mŭk drăm 2 pah păng lơ pang.
Viết bình luận