
Kơdră teh đak sơkơ̆t hơdah, pôk bơnê kơ Hơnih jang Kơdră teh đak hlôi tơgŭm, pơtruh ăn Jơnŭm pơgơ̆r teh đak tơchơ̆t pôk hơpah tơtom ăn dôm hơnih jang, bơngai jang vă pôk bơnê tơ̆ dôm tơdrong akŏm kăp gĭt kơ teh đak; pôk hơpah 'măn ăn tơdrong jang hơmet 'lơ̆ng jơnŭm pơgơ̆r jang kơ hơnih jang chinh trĭ, pơm jang kiơ̆ pơkăp jơnŭm pơgơ̆r 2 tăl.

Gah tơdrong tơlĕch jang lơ̆m khei năr truh, Kơdră teh đak sơkơ̆t hơdah, atŭm hăm dôm tơdrong hiôk, adoi gô đei lơ tơdrong tơnap tap tơrĕk truh tơdrong pơgơ̆r jang hăm jơnŭm pơgơ̆r 'nao, tơdrong jang noh lơ; athei Hơnih jang Kơdră teh đak dah mă hơbĕch lơ̆m tơdrong chih akŏm pơkăp tơdrong vă jang; atŭm hăm noh athei băt hơdah tơdrong đei ƀôh, hơlen păng jang hơdoi, hơmet vă tơtom tơgŭm hăm dôm tơdrong kăl, vei sơđơ̆ng ăn tơdrong jang kăl hăm đe kơdră Đảng, Teh đak.
Viết bình luận