Kơdră teh đak bơ̆n Võ Văn Thưởng sơkơ̆t hơdah 'măng năm tơmang, pơm jang âu 'noh kăp gĭt hăm 2 Đảng, 2 teh đak. Kơdră teh đak bơ̆n lui ngeh, Pơma đam hăm hơnăn: Hơtŏk joh ayŏ, kon bơngai lơ̆m khei năr hơtŏk tơ-iung teh đak kiơ̆ sơkơ̆t xah hô̆i chu ngia – Hlôh vao đơ̆ng Việt Nam, hlôh vao đơ̆ng Lào... gô đei jơnei keh kong, tơgop hơtŏk tơdrong jang tơbôl kơ 2 Đảng, 2 teh đak.

Kơdră teh đak bơ̆n ră hơdah, lơ̆m tơdrong hơtŏk tơ-iung kơ Việt Nam lơ̆m lơ sơnăm kơ âu hơnơ̆ng đei tơdrong tơgŭm, hơlêm đơ̆ng Đảng, Khul kơpal teh đak păng kon pơlei Lào 'nhŏng oh. Lơ̆m tơdrong pơgơ̆r jang kơ po, 2 Đảng hlôi atŭm băl tơroi gah dôm tơdrong hlôh vao păng đei jơnei keh kong. Jang hadoi đơ̆ng Jơnŭm jang pơma xa 2 pah roi năr roi đei jơnei tơnăp.