

Khei năr ou ki, Hơnih Đảng dêh char hăm Hơnih vei lăng kon pơlei dêh char Lâm Đồng hlôi pơjing đei lơ nơ̆r athei jang kiơ̆, hla bơar pơrô̆ jang rim hơnih bơ̆ jang, rim apŭng, pơlei tơm lơ̆m dêh char akŏm khul jang vă atŏk kơtang iung jang ‘lơ̆ng tơlĕch kon jên jang, hrôih jang keh đang tơdrong chưk tơnă teh vă tơlĕch ăn iung jang ming man rim tơdrong vă jang ... Mă lei, truh dang ei, bơ̆ jang tơlĕch kon jên tơmơ̆t jang teh đak kơ dêh char Lâm Đồng oei jơnei tŏ sĕt, lăp tơlĕch đei 1.446 ti hlak jên lơ̆m akŏp hloh 9.340 ti hlak jên, tơmơ̆t 15,5% kiơ̆ trong tơlĕch jang. Tơ̆ hop akŏm, Kơdră chĕp pơgơ̆r Hơnih vei lăng kon pơlei dêh char Lâm Đồng Trần Hồng Thái akhan, tơdrong jang tơlĕch kon jên tơmơ̆t jang teh đak lơ̆m dêh char jơnei tŏ sĕt lơ lou ‘noh ưh kơ lăp tơpă mơ̆n. Ƀok athei khul kơdră chĕp pơgơ̆r rim tơring lăng ba kơjăp hloh dơ̆ng atŏk kơ tang iung jang, kăl iung jang kơtang hloh dơ̆ng chưk tơnă teh vă rim tơdrong vă jang gơ̆h tơlĕch kon jên jang, lơ̆m ou mă kăl dôm tơdrong vă jang trong gre rĕnh.
Viết bình luận