Tơdrong tơchơ̆t ưh khan lăp hơmet pơ ‘lơ̆ng dôm tơdrong oei tơhlăk tơhlĭn nhen tơ jur jên jang, tơmơ̆t jên jang ‘nao, jum dăr tơdrong tơchơ̆t 12 mă tơdrong tơchơ̆t ‘nao athei tŏk ‘lơ̆ng hăm anih mơdro sa teh đak nhen Tơdrong tơchơ̆t 68 hăm tơring mŭk drăm kơdih, vei sơđơ̆ng đei tơdrong tơm đơ̆ng tơdrong jang 4.0, pơm liơ ăn kơ dôm anih mơdro sa jang tŏk vă hơtŏk tơiung pran kơtang, hơtŏk đei hơnăp jang tơm chông ba mŭk drăm hăm hơnăp jang tơm dơnơm kơ mŭk drăm.

Pơtôch ‘măng hop akŏm, Phŏ Thủ tướng Nguyễn Chí Dũng tơƀôh ăn dôm tơdrong pran kŭm nhen tam mă ‘lơ̆ng đơ̆ng dôm anih mơdro sa teh đak, pơma hơdăh athei tơlĕch ăn vă pơjing tơdrong tơchơ̆t ăn tơring mơdro sa teh đak ‘noh jĭ athei đei dôm tơdrong ‘nao, tơdrong ‘lơ̆ng lơ̆m chăl ‘nao, ưh khan lăp akŏm hơmet pơ ‘lơ̆ng dôm tơdrong ƀơm truh tơ jur jên jang, tơmơ̆t jên jang hơdai ‘nao, klăih song hơnăp jang, kơ chư̆k jang, jên khei mă athei lăng să tôm tơdrong.