Phŏ Thủ tướng sơkơ̆t hơdah tơdrong hơdrin păng jang hơdoi kơjăp đơ̆ng tơring hăm Anih jang Hơlen kơ teh đak păng dôm anih jang trung ương lơ̆m tơdrong pơm kiơ̆ pơgơ̆r đơ̆ng Tổng Bí thư păng Tơchơ̆t jang đơ̆ng Jơnŭm pơgơ̆r teh đak. Dôm tơdrong ou đei sek tơlang tơnăp, trŏ pơkăp, pơjing đei pơdrơ̆ng kơjung hloh.

Phŏ thủ tướng pơgơ̆r dêh char Đăk Lăk pơtoi pơm kiơ̆ kơjăp, sek tơlang keh kong dôm tơdrong oei tơnap tap hơdrol kơ năr 30/6 vă hơmet 'lơ̆ng ăn tơdrong pơm jang ăn jơnŭm pơgơ̆r tơring 2 tăl đơ̆ng năr 1/7. Atŭm hăm noh, athei chă hơlen, tơtom ƀôh băt păng sek tơlang dôm tơdrong glăi 'nao, ưh lê̆ đei tơdrong tơkêng tơhlou, tơgop vei sơđơ̆ng tơdrong jang chinh trĭ, tơpôl tơ̆ tơring.