
Kiơ̆ tơdrong Tơchơ̆t đơ̆ng Quốc hội, lơ̆m teh đak đei 34 anih jang dang ăi hăm dêh char, lơ̆m noh đei 28 dêh char păng 6 plt. Lơ̆m noh đei 23 anih vei lăng dêh char ‘nao đei tơmât đơ̆ng 52 dêh char, plt so. 11 dêh char, plt đei vei hơnơ̆ng thoi so. Tơdrong tơchơ̆t đei yoa iŏk đơ̆ng năr drơ̆ng nơ̆r, ‘năr 12/6/2025.

Tơdrong tơchơ̆t athei: dôm anih jang lăng kiơ̆ hơnăp jang kơdih jăh bơ̆ jang dôm tơdrong hơmet gĭt kăl pơm ‘lơ̆ng vă khul kơdră pơgơ̆r tơ̆ dôm dêh char, plt đei pơjing gơ̆h bơ̆ jang đơ̆ng ‘năr 1/7/2025. Atŭm hăm ‘nŏh hơmet ming mă ‘lơ̆ng khul bơngai jang tơ̆ dôm anih jang kơpal, khul grŭp tơpôl tơ̆ tơring; tơgŭm, tơtom sek tơlang pơ ‘lơ̆ng dôm tơdrong pơmat tat, tơhlăk tăk đơ̆ng đe kăn ƀô̆, bơngai jang kơ teh đak, bơngai jang hmă đei ƀơm truh tơdrong hơmet ming âu; vei lăng ‘lơ̆ng tơdrong arih xa tơpôl, tơdrong gơ̆h jang păng tơdrong đei yoa trŏ luơ̆t, tôch tơgăl đơ̆ng kon pơlei, anih tĕch mơdro păng tơdrong ‘mĕh vă jang mŭk drăm tơpôl, khul linh vei sơđơ̆ng teh đak, vei lăng ‘lơ̆ng tơdrong sơđơ̆ng tơpôl tơ̆ tơring.
Viết bình luận