Kiơ̆ nơ̆r tơroi, đơ̆ng 2021 - 2024 Nghệ An jang tŏk mŭk drăm, jô̆ păh lăp dang 8%, iŏk yoa jô̆ păh lăp kiơ̆ kơ̆l bơngai đei 62,5 triu hlak jên sơnăm 2024. Lơ̆m 3 sơnăm âu ki, Nghệ An hơnơ̆ng dơ̆ng lơ̆m grŭp 10 dêh char sơng iŏk jên tơmât jang đơ̆ng teh đak đe lơ hlŏh lơ̆m teh đak.

Hơdrô̆ tơdrong tơgŭm man, pơm hơmet ming hnam oei ăn bơngai tơnuh, lơ̆m dêh char hlôi man đang hlŏh 16.000 tŏ hnam, iŏk đei ¾ nơ̆r hơgăt jang; dôm tơdrong tơgŭm hăm bơngai đei kŏng păng vei sơđơ̆ng tơdrong arih xa tơpôl hơnơ̆ng đei jang ‘lơ̆ng jô̆ hloi găh tơmam drăm păng jơhngâm đon, tơdrong arih xa kơ kon pơeli roi tŏk.

Tơdrong tơiung pơjing Đảng đei tơlĕch jang hrơ̆ch ‘lơ̆ng: Bơ̆ jang tơtom mưh hơmet ming, kăt tơjur khul bơngai jang, hơtŏk đon rơgei, bơ̆ jang đei yoa ăn rim anih jang chinh trĭ tơ̆ tơring. Hơnơ̆ng akŏm jơhngâm pơjing, hơmet kơjăp anih jang đảng, hơtŏk đảng viên tơ̆ tơring đei lui khop, tơring hơtăih yăih păng lơ̆m anih tĕch mơdro kơdih…